新年剛過，臨近歲晚的你，也許會借機回溯一下去年生活，收拾心情展望將來。細心一想，也許你與我一樣，聽說過不少承諾，又或借出過無數事與物，但對方卻未有兌現諾言，或是諸多推搪，結果還是不斷地被走數！以下精選 十大人生走數事件，由兒時、青年、到職場工作，你都一定曾經歷過！
1. 阿媽：「我幫你儲起利是錢，大嗰一定會俾返你。」
小時候每逢過年，阿媽例必替你袋起利是錢，回家卻從不到你手，更拋出這一句說話。多年後，向阿媽重提，她卻反駁：「你記錯了！」或一句「養你唔駛錢咩？」
2. 老闆：「大家幾時得閒？我請大家食餐好！」
每逢公司賺到錢，老闆例必說辛苦大家，又話請食飯。咦，數數手指，好像都說了好幾年，老闆餐飯幾時找數？
3. 上司：「我會加你人工 / 升你職。」
職場上不斷付出，但換來只有一份微薄薪水，也許是時候跳槽，而上司總會在這時作出挽留，提出加人工或升職。結果當然遲遲幾年也沒有，人工和職位照舊「得個桔」。
4. 同事：「借張紙巾嚟呀！」
借紙巾事小，不過借借下變成了借一叠，再借就變了借一卷。這位同事，不知幾時候方便還返紙巾俾我？
5. 舊同學：「得閒約你飲茶！」
在街上碰到舊同學，不打招呼又未免太無禮，寒暄幾句後最後大家都識趣講出以上這句，結果這一餐茶，當然是從此無影。
6. 死黨：「你幫我俾住先，我轉頭還俾你！」
每逢一班死黨約聚舊，總有一兩位朋友們，忽然想起無帶現金或信用卡，一句「你幫我俾住先」，就連人影也沒有。既又不好意思開口追回那數百元，可是被無緣無故走數又心有不甘。
7. 男朋友：「下次唔打機嚟陪你！」
男友愛打機是常識吧。拍拖初期，男友都會交足功課，與妳形影不離。但熱戀期一過，大部分時間還是去了約朋友打機。
8. 女朋友：「我唔會嬲架。」
大家最常聽到女友哄你說出這句，奉勸大家小心有地雷。看看Facebook專頁「十萬個激嬲女友的理由」有多紅，就知不少女生隨時隨地每分每秒都打算走你數。
9. 政府：「會解決住屋問題。」
現時香港樓價高企，政府連番出辣招，又承諾興建公屋，增加樓房供應，不過不少貧苦大眾和年青人仍然上車無望。苦望新樓，如同買六合彩，結果關鍵點還是落在「成功靠父幹」，否則就請委屈點暫住劏房吧。
10. 自己：「我聽日一定會努力＿＿（工作/減肥/讀書，請自行填充）！」
新一年，大家總會誇下海口，說明天一定努力甚麼云云。到了明天，又再推到後天。光陰似箭，結果過了好些年，發現這些目標，還是自己走了自己數。新一年，不妨檢視自己，有些事就趁著今天做吧！
TEXT: Ellie
