假日過後如常上班上學，發現身邊的人好像變得有點不一樣，難道是放假時走了一趟韓國？其實大家只是在假日時都大吃大喝，通宵狂玩，身體內外都元氣大傷。今次文字狂教大家用於形容放假後遺症患者的八個單詞。
虧《氣損血弱》
虧，可以用於形容虛弱的人，如體虧、腎虧、氣衰血虧的人。
例句：你個咁虧，一睇就知你放假不停打麻雀冇訓過啦。
懵《糊塗遲鈍》
懵，形容人昏昧無知的樣子，就像剛剛睡醒般朦朦朧朧、懵懵懂懂 。
例句： 你個樣懵下懵下咁，小心老細見到又鬧你。
頹《委靡不振》
頹，解作委靡不振，例如頹廢、頹喪。可用作形容人心情低落，無精打采的樣子 。
例句：因咩事咁頹？就係因為要返工囉。
灰《沮喪消沉》
灰，解作灰心或心灰意冷，形容一種洩氣、絕望、沮喪的感覺。
例句：返工日做夜做到個人灰曬。
霉《心靈枯萎》
霉，可解作倒霉，即遇事不利，遭遇不好。霉亦可用來形容一個人死氣沉沉，欠缺活力。
例句：放假你係咪冇出過門，個樣咁霉既？
䠋《腳步浮浮》
䠋（粵音pe5/bei2），形容懶洋洋的人表現得癱軟無力，腳步浮浮，像沒有骨頭般左搖右擺 。
例句： 我依家放䠋搏炒，等公司賠一個月糧俾我。
殘《歷久風霜》
殘，可以形容人的倦容，有如遭受摧殘而凋零的花朵。如面上有黑眼圈、 皮膚暗啞，就可形容為「殘樣」。
例句：係尼間公司做一年，個樣就殘咗十年。
毒《謝絕交往》
毒，本指欠缺異性緣的單身男性，現泛指一些欠缺社交和自信，散發一陣「毒氣」的人。
例句：你份人咁毒，唔好話溝女，連朋友都冇個啦。
